திருமுல்லைவாயல், மூர்த்தி நகர், நாகவல்லி அம்மன் கோவில் தெருவை சேர்ந்தவர் கண்ணப்பன் (வயது 33). டிரைவராக வேலை செய்து வந்தார். இவரது மனைவி மீனா (27). இவர்களுக்கு ஜஸ்வந்த் (5) மற்றும் மைலேஷ் (4) ஆகிய 2 மகன்கள் உண்டு. இதில் ஜஸ்வந்த் கடந்த 2 மாதங்களுக்கு முன்பு இறந்துவிட்டார். இதையடுத்து மகன் இறந்த துக்கத்தில் கண்ணப்பன் வேலைக்கு சரிவர செல்லாமல் மதுவுக்கு அடிமையானதாக கூறப்படுகிறது. இதனால் மது அருந்திவிட்டு வீட்டுக்கு வருவதால் கணவன் மனைவிக்கிடையே அடிக்கடி தகராறு ஏற்பட்டு வந்துள்ளது. இந்நிலையில் கடந்த சில நாட்களுக்கு முன்பு மீனா தனது 2-வது மகன் மயிலேஷை அழைத்துக்கொண்டு வேலூரில் உள்ள உறவினர் வீட்டிற்கு சென்று விட்டார்.