திருச்சியில் இன்ஸ்டாகிராமில் பழகி சிறுமி பலாத்காரம்: சிறுவர்கள் உள்பட 9 பேர் கைது

அந்த சிறுமியிடம் சமூக வலைதளமான இன்ஸ்டாகிராமில் 7 சிறுவர்கள் உள்பட 9 பேர் பழகி வந்துள்ளனர். இவர்கள் அந்த சிறுமியை வெவ்வேறு காலகட்டங்களில் தனித்தனியாக பல்வேறு இடங்களுக்கு அழைத்து சென்று பாலியல் தொல்லை கொடுத்துள்ளனர். சிலர் சிறுமியை பலாத்காரமும் செய்ததாக கூறப்படுகிறது. இதையடுத்து மகளிர் போலீசார் விசாரணை நடத்தி 7 சிறுவர்கள் உள்பட 9 பேரையும் பிடித்து போலீஸ் நிலையம் அழைத்து வந்து விசாரித்தனர்.

விசாரணையில் 9 பேரும் சிறுமியிடம் தகாத முறையில் நடந்து கொண்டது தெரியவந்தது. இதையடுத்து போக்சோ சட்டத்தின் கீழ் வழக்குப்பதிவு செய்த கோட்டை அனைத்து மகளிர் போலீசார் 7 சிறுவர்கள் உள்பட 9 பேரையும் கைது செய்தனர். மேலும் இந்த சம்பவத்தில் யாருக்கேனும் தொடர்பு உள்ளதா? என்பது குறித்து தொடர் விசாரணை நடத்தி வருகிறார்கள். இந்த சம்பவம் திருச்சியில் பரபரப்பையும், அதிர்ச்சியையும் ஏற்படுத்தியுள்ளது.