செங்கல்பட்டு மாவட்டத்தை சேர்ந்தவர் பாலாஜி (வயது 50). லாரி டிரைவரான இவர் நேற்று முன்தினம் சிங்கப்பெருமாள் கோவில் அடுத்த மகேந்திரா சிட்டி அருகே சாலையோரமாக லாரியை நிறுத்திவிட்டு லாரியில் தூங்கிக்கொண்டிருந்தார். அப்போது மோட்டார் சைக்கிளில் வந்த 3 பேர் கொண்ட கும்பல் லாரி டிரைவரை கத்தி முனையில் மிரட்டி அவரிடம் இருந்த செல்போனை கேட்டுள்ளனர். டிரைவர் தர மறுத்ததால் கத்தியால் அவரை லேசாக வெட்டிவிட்டு அங்கிருந்து 3 பேரும் தப்பிச்சென்று விட்டனர்.