அங்குள்ள ஹில்பங்கு பகுதியில் போக்குவரத்து போலீசார் வாகன தணிக்கையில் ஈடுபட்டுக் கொண்டிருந்த போது டி.டி.எஃப். வாசன் அப்பகுதியில் வேகமாக தனது பைக்கில் சென்றுள்ளார். போலீசார் அவரை நிறுத்த முயற்சி செய்த நிலையில், டி.டி.எஃப். வாசன் பைக்கை நிறுத்தாமல் சென்றதாக கூறப்படுகிறது.

இதையடுத்து டி.டி.எஃப். வாசனை துரத்திப் பிடித்த போக்குவரத்து போலீசார் அதிவேகமாகவும், அஜாக்கிரதையாகவும் வாகனத்தை ஓட்டியதால் அவருக்கு ஆயிரம் ரூபாய் அபராதம் விதித்தனர். மேலும் டி.டி.எஃப். வாசனிடம் பைக்கில் வேகமாகப் பயணிக்கக் கூடாது, அனுமதிக்கப்பட்ட வேகத்தை எக்காரணத்தைக் கொண்டும் தாண்டக்கூடாது என எச்சரித்து அனுப்பி வைத்தனர்.