மதுரையில் இருந்து தஞ்சாவூர், சிதம்பரம் வழியாக வாரம் இருமுறை மகால் எக்ஸ்பிரஸ் ரெயில் இயக்கப்பட்டு வந்தது. இந்த ரெயில் கொரோனா ஊரடங்கால் நிறுத்தி வைக்கப்பட்டிருந்தது. இதற்கிடையே, ஏற்கனவே இயக்கப்பட்ட ரெயில்கள் தற்போது ஒவ்வொன்றாக இயக்கப்பட்டு வருகின்றன.

அதனை தொடர்ந்து, இந்த ரெயில் நேற்று முதல் இயக்கப்பட்டது. இந்த ரெயில் மதுரையில் இருந்து வியாழன் மற்றும் சனிக்கிழமைகளிலும், சென்னையில் இருந்து வெள்ளி மற்றும் ஞாயிற்றுக்கிழமைகளிலும் இயக்கப்படுகிறது. அதன்படி, இந்த ரெயில் (வ.எண்.06158) நேற்று இரவு 8.50 மணிக்கு மதுரை ரெயில்நிலையத்தில் இருந்து புறப்பட்டது. காலை 6.55 மணிக்கு சென்னை சென்றடைகிறது.