இந்த நோயினால் நஞ்சுக்கொடி தங்குதல், மீண்டும் எளிதில் சினை பிடிக்காமை, பால் உற்பத்தி குறைவினால் பொருளாதார இழப்பு ஆகியவை ஏற்படுகின்றன. இந்த நோய் வாய்ப்பட்ட மாட்டின் நஞ்சுக்கொடி போன்றவற்றை கையாளும் மனிதர்களுக்கும் இந்த நோய் பரவி தீவிர தாக்கத்தினை ஏற்படுத்தும் வாய்ப்புள்ளது.

தடுப்பூசி

தேசிய கால்நடை நோய் தடுப்பு திட்டதின் மூலம் இரண்டாவது தவணையாக புரூசெல்லோசிஸ் எனப்படும் கருச்சிதைவு நோய்க்கான தடுப்பூசி மாவட்டம் முழுவதும் கால்நடைகளுக்கு செலுத்தப்பட உள்ளது. இந்த நோய்க்கான தடுப்பூசி 4 மாதம் முதல் 8 மாதம் நிரம்பிய கிடாரி கன்றுகளுக்கு மட்டும் அடுத்த மாதம் (ஜூலை) 14-ந் தேதி வரையில் கால்நடை மருத்துவமனைகளில் இலவசமாக செலுத்தப்பட உள்ளது.

கால்நடைகளுக்கு இந்த தடுப்பூசியை ஒரு முறை செலுத்தி கொண்டால் அந்த கிடாரி கன்றுகளுக்கு அதன் ஆயுள் முழுவதற்குமான நோய் எதிர்ப்பு சக்தி கிடைக்க பெறும். நாமக்கல் மாவட்டத்தில் அனைத்து கால்நடை நிலையங்களிலும் இந்த தடுப்பூசி செலுத்தப்படும். எனவே கால்நடை வளர்ப்போர் இந்த வாய்ப்பை பயன்படுத்தி கொள்ள வேண்டும்.

இவ்வாறு அதில் கூறப்பட்டுள்ளது.