இந்த நிலையில் நெல்லை மாவட்டத்தில் கடந்த 10 நாட்களாக கோவேக்சின் தடுப்பூசி மருந்து இல்லை. இதனால் ஏற்கனவே முதல் தவணையாக கோவேக்சின் தடுப்பூசி போட்டுக் கொண்டவர்களுக்கு, 2-வது தவணையாக தடுப்பூசி போட முடியவில்லை.

இதுதவிர கோவிஷீல்டு தடுப்பூசி மருந்துக்கும் தட்டுப்பாடு ஏற்பட்டு உள்ளது. இதனால் நேற்று நெல்லை மாவட்டத்தில் உள்ள தடுப்பூசி மையங்கள் மூடப்பட்டு, மருந்து இல்லை என்ற அறிவிப்பு ஒட்டப்பட்டது. நெல்லை அரசு மருத்துவ கல்லூரியில் மட்டுமே கோவிஷீல்டு தடுப்பூசி போடப்பட்டது. அதுவும் நேற்றுடன் தீர்ந்து விட்டதாக தெரிகிறது. இதனால் மக்கள் ஏமாற்றம் அடைந்தனர். மருந்துகள் கொண்டு வரப்பட்டால் மட்டுமே பொதுமக்களுக்கு மீண்டும் தடுப்பூசி போடப்படும் என்று அதிகாரிகள் தரப்பில் கூறப்படுகிறது.