சென்னை,
தமிழக சட்டசபை தேர்தலில் தவெக 108 இடங்களில் வெற்றி பெற்றது. ஆனால், பெரும்பான்மைக்கு 118 சட்டப்பேரவை உறுப்பினர்களின் ஆதரவு தேவை. இதையடுத்து, காங்கிரஸ், இடதுசாரிகள் விசிக, ஐயூஎம்எல் ஆகிய கட்சிகளின் ஆதரவுடன் முதல்-அமைச்சராக தவெக தலைவர் விஜய் இன்று தமிழகத்தின் 13 -வது முதல்-அமைச்சராக பதவியேற்றுக்கொண்டார்.
அவருக்கு கவர்னர் அர்லேகர் பதவி பிரமாணம் செய்து வைத்தார். அதனை தொடர்ந்து விஜய்யுடன் சேர்த்து 9 பேர் ஆனந்த், ஆதவ், அருண் ராஜ், செங்கோட்டையன், வெங்கடரமணன், நிர்மல்குமார். ராஜ்மோகன், டி.கே.பிரபு, கீர்த்தனா ஆகியோர் அமைச்சர்களாக பதவியேற்றுக்கொண்டனர்.
முன்னதாக விஜய் முதல்-அமைச்சராக பதவியேற்கும் நிகழ்வில் தமிழ்த்தாய் வாழ்த்தை பாடாமல் வந்தே மாதரம் தேசிய கீதம் பாடல் ஒலிக்கப்பட்டது. அதனை தொடர்ந்து தமிழ்த்தாய் வாழ்த்து பாடப்பெற்றது.
முதல்-அமைச்சராக விஜய் பதவியேற்பு விழாவில் வந்தே மாதரம், தேசிய கீதம் பாடப்பட்ட பிறகு மூன்றாவதாக தமிழ்த்தாய் வாழ்த்து பாடப்படுகிறது. தமிழ்நாடு அரசு நிகழ்ச்சிகள் வழக்கமாக தமிழ்த்தாய் வாழ்த்துடன் தொடங்கி தேசிய கீதத்துடன் நிறைவடையும் என்பது குறிப்பிடத்தக்கது.