நீலகிரி,
தமிழ்நாட்டில் உள்ள பல்கலைக்கழங்களில் துணை வேந்தர்களுடன் ஊட்டியில் கவர்னர் ஆர்.என். ரவி 2 நாள் மாநாடு நடத்தினார். கடந்த 25 மற்றும் 26-ம் தேதி இந்த மாநாடு நடைபெற்றது.
இந்நிலையில், கவர்னர் ஆர்.என். ரவி சாலை மார்க்கமாக நாளை உதகையில் இருந்து கோத்தகிரி வழியாக கோவை செல்ல உள்ளார். இதனை தொடர்ந்து நீலகிரி, கோத்தகிரி சாலையில் நாளை காலை 9 மணி முதல் மதியம் 1 மணி வரை வாகனப்போக்குவரத்துக்கு தடை விதிக்கபடுவதாக காவல்துறை அறிவித்துள்ளது.
இதனால், அனைத்து வாகனங்களும் குன்னூர் பர்லியார் வழியாக உதகை - மேட்டுப்பாளையம் செல்ல அனுமதிக்கப்படும் என காவல்துறை தரப்பில் தெரிவிக்கப்பட்டுள்ளது.