அவரது சொந்த ஊரில் பேனர் வைப்பது தொடர்பாக ராஜேஷ் என்பவருக்கும், ஜெகனுக்கும் தகராறு இருந்து வந்தது. இதனால் ராஜேஷ் தரப்பினர் ஜெகனின் அண்ணன் மதன் என்பவரை 2015-ம் ஆண்டு கொலை செய்தனர். இதற்கு பழி தீர்க்கும் விதமாக ஜெகன் தனது நண்பர்களுடன் சேர்ந்து 2021-ம் ஆண்டு ராஜேசை கொலை செய்தார். இந்த வழக்கில் கைதாகி சிறை சென்ற ஜெகன், பின்னர் ஜாமீனில் வெளியே வந்தார்.

அதன்பிறகு குடும்பத்துடன் மனைவியின் சொந்த ஊரான சென்னைக்கு வந்து குடியேறிய ஜெகன், கடந்த 20 நாட்களுக்கு முன்புதான் இங்கு மீன்கடை வைத்து நடத்தி வந்துள்ளார். எனவே ராஜஷ் கொலைக்கு பழிக்கு பழியாக ஜெகன் கொலை செய்யப்பட்டு இருக்கலாம் என்று முதல்கட்ட விசாரணையில் தெரியவந்துள்ளதாக போலீசார் தெரிவித்தனர்.

மேலும் இதுபற்றி நொளம்பூர் போலீசார் கொலையாளிகளை பிடிக்க 5 தனிப்படை அமைத்து தீவிரமாக தேடி வருகின்றனர்.