மதுரை பெரியார் பேருந்து நிலையத்தில் பேருந்தில் ஏற முயன்ற முதியவரிடம், ஒரு பெண் உள்பட 2 பேர் மணிபர்சை பறித்துக் கொண்டு தப்பிச் சென்றனர். இது குறித்து அந்த முதியவர் அளித்த புகாரின் பேரில், சிசிடிவி காட்சிகளைக் கொண்டு போலீசார் விசாரணை நடத்தி வந்தனர்.

இந்த விசாரணையின் மூலம், பேருந்து நிலையத்தில் வழிப்பறி கொள்ளையில் ஈடுபட்ட உதயசெல்வம் என்ற நபர் மதுரை பூலாம்பட்டி கிராமத்தில், பதுங்கி இருப்பதாக போலீசாருக்கு தகவல் கிடைத்தது. இதையடுத்து அங்கு சென்ற போலீசார், வீட்டிற்குள் பதுங்கி இருந்த உதயசெல்வத்தை கைது செய்ய முயன்றனர். அப்போது ஊர்மக்கள் திரண்டு வந்து போலீசாரை தடுத்தனர். இதையடுத்து அவர்களிடம் பேச்சுவார்த்தை நடத்தி, கடும் சிரமத்திற்குப் பிறகு உதயசெல்வத்தை போலீசார் கைது செய்தனர்.