திமுக கூட்டணியில் இருந்து விலகியது ஏன்? காதர் மொகிதீன் விளக்கம்

தவெக வெற்றி

எல்லா பக்கமும் விசில் ஊதப்பட்டு, தவெக வெற்றி பெற்றது. தமிழகத்தில் ஜனாதிபதி ஆட்சி வந்துவிடும் என்பதால் அந்த முடிவை எடுத்தோம். எந்த நிபந்தனையும் இன்றி தவெகவுக்கு ஆதரவு கொடுத்தோம். நாங்கள் கேட்காதபோதும், அமைச்சரவையில் பங்கேற்க தவெக அழைத்தது. இறுதியில் தவெகவிற்கு ஆதரவு என முடிவெடுத்தோம்.

தவெக நல்லாட்சி தொடர வேண்டும் என்று நாங்கள் விரும்புகிறோம். மக்களும் விரும்புகிறார்கள்; தவெக அமைச்சரவையில் ஐயூஎம்எல் கட்சியை இணைத்ததற்கு விஜய்க்கு வாழ்த்து. தவெக அரசில் அங்கம் வகிப்பதால் திமுக கூட்டணியில் தொடர்ந்து பயணிக்க முடியாது.

திமுக கூட்டணிக்கு வாக்களிக்க சொல்லவில்லை

இஸ்லாமிய மார்க்கத்தில் 5 கடமை இருக்கிறது. ஆறாவது கடமை ஜனநாயக நாட்டில் வாக்களிப்பதாகக் கருத வேண்டும் என்றுதான் சொன்னேனே தவிர திமுக கூட்டணிக்கு வாக்களிக்கச் சொல்லவில்லை. திமுகவிற்கு வாக்களிப்பது ஆறாவது கடமை என நான் சொல்லவில்லை.

தவெக ஆட்சி நீடிக்க தொடர்ந்து ஆதரவு

இடைத்தேர்தல், உள்ளாட்சித் தேர்தல், நாடாளுமன்ற தேர்தல், சட்டமன்ற தேர்தல் என எந்த தேர்தலாக இருந்தாலும், தவெக ஆட்சி தொடர்ந்து நீடிக்க ஒத்துழைப்போம்” தவெக கூட்டணியில் ஐயுஎம்எல்கட்சி தொடர்கிறது.

இவ்வாறு அவர் கூறினார்.