சென்னை தேனாம்பேட்டை மண்டலத்தில் உள்ள லஸ் நிழற்சாலையில், மாநகராட்சி கட்டுப்பாட்டில் உள்ள நாகேஷ்வரராவ் பூங்காவில் பொதுமக்கள் இலவசமாக பயன்படுத்தும் வகையில் வை-பை வசதியை மாநகராட்சி கமிஷனர் கோ.பிரகாஷ் நேற்று தொடங்கி வைத்தார்.

பெருநகர சென்னை மாநகராட்சியில் மொத்தம் 669 பூங்காக்கள் அமைந்துள்ளது. முதல் கட்டமாக தியாகராய நகரில் உள்ள நடைபாதை வளாகத்தில் ஏற்கனவே வை-பை வசதி அமைக்கப்பட்டது. தொடர்ந்து லஸ் நிழற்சாலையில் அமைத்துள்ள நாகேஷ்வராவ் பூங்காவில் இந்த வசதி தொடங்கப்பட்டு உள்ளது.