எழும்பூர் ரெயில் நிலையத்தில் பணிகள் நிறைவு.. பயணிகளுக்கு வெளியான மகிழ்ச்சியான செய்தி..!

இதற்கிடையே, எழும்பூர் ரெயில் நிலைய பழைய நடைமேடையில் இருந்து விரைவில் மின்சார ரெயில்கள் இயக்கப்பட இருப்பதாக அதிகாரிகள் தெரிவித்தனர்.

இதுகுறித்து, ரெயில்வே அதிகாரிகள் கூறுகையில், “எழும் பூர் ரெயில் நிலையத்தில் நடைமேடை 10, 11-ல் இருந்து மின்சார ரெயில்கள் இயக்கும் வகையிலான அனைத்து முக்கிய பணிகளும் நிறைவடைந்துவிட்டது. சிறு சிறு பணிகள் மட்டும் தற்போது நடைபெற்று வருகிறது. அந்த பணிகள் விரைவில் முடிவடையும். இன்று (புதன்கிழமை) முதல் 5-ந்தேதிக்குள் எந்த நேரத்தில் வேண்டுமானாலும் இந்த நடைமேடையில் இருந்து புறநகர் மின்சார ரெயில் சேவைகளை தொடங்கலாம். ரெயில்களை இயக்க தொடங்கிய பின்பும், இதில் மேற்கொள்ள வேண்டிய எஞ்சிய பணிகள் தொடர்ச்சியாக நடைபெறும். இதனால் பயணிகள் மற்றும் ரெயில் சேவைக்கு எந்த இடையூறும் இருக்காது” என்று தெரிவித்தார்.