இரணியல் அருகே உள்ள மேலகுருந்தன்கோடு பகுதியை சேர்ந்தவர் நாராயணன் என்ற தாணிவேல் (வயது49), கூலி தொழிலாளி. இவருக்கு இன்னும் திருமணம் ஆகவில்லை. இவர் நேற்று மாலையில் வீட்டில் இருந்து வெளியே சென்றவர் நீண்ட நேரமாகியும் திரும்பி வரவில்லை. இதனால், உறவினர்கள் அவரை பல இடங்களில் தேடினர்.

அப்போது அந்த பகுதியில் உள்ள பாறைகுளம் அருகே தாணிவேல் நடந்து சென்றதை சிலர் கண்டதாக கூறினர். இதுகுறித்து தீயணைப்பு நிலையத்துக்கு தகவல் கொடுக்கப்பட்டது. திங்கள்சந்தை தீயணைப்பு நிலைய அதிகாரி பிரதீப்குமார் தலைமையில் தீயணைப்பு வீரர்கள் சம்பவ இடத்துக்கு வந்து குளத்தில் இறங்கி தேடினர்.