பஸ் நிலையத்தில் இளம்பெண்ணுக்கு கத்திக்குத்து: காதலிக்க மறுத்ததால் வாலிபர் வெறிச்செயல்

தர்மபுரி,

தர்மபுரி அருகே உள்ள தேங்காய் மரத்துப்பட்டி கிராமத்தைச் சேர்ந்தவர் சின்னசாமி (வயது 31). இவர், சுத்திகரிக்கப்பட்ட குடிநீர் விற்பனை நிறுவன ஊழியர். இவர், நகைக்கடையில் பணிபுரிந்து வரும் பெண்ணை காதலித்து வந்ததாக கூறப்படுகிறது. ஆனால் அந்த பெண் சின்னசாமியின் காதலை ஏற்கவில்லை. மேலும் அவருடன் பேசாமல் இருந்துள்ளார்.

இந்த நிலையில் நேற்று இரவு 8 மணிக்கு தர்மபுரியில் உள்ள நகைக்கடையில் பணியை முடித்து கிளம்பிய அந்த பெண், தர்மபுரி டவுன் பஸ் நிலையத்தில் பஸ்சுக்காக காத்திருந்தார். அப்போது அங்கு வந்த சின்னசாமி கையில் வைத்திருந்த கத்தியால் அந்த பெண்ணின் கழுத்து மற்றும் வயிற்றுப் பகுதியில் குத்திவிட்டு அங்கிருந்து ஓட முயன்றார். இதனால் பஸ் நிலையத்தில் காத்திருந்தவர்கள் அதிர்ச்சி அடைந்தனர்.