கோவையில் வீடு புகுந்து கல்லூரி மாணவியின் தந்தை மீது இளைஞர்கள் தாக்குதல்

கோவை,

கோவையில் வீடு புகுந்து கல்லூரி மாணவியின் தந்தை மீது இளைஞர்கள் கொடுரமாகத் தாக்குதல் நடத்தினர்.

பெண்ணுக்கு தொல்லை

கோவை மாவட்டம் மதுக்கரை அருகே உள்ள வழுக்கபாறை பகுதியைச் சேர்ந்தவர் சிவக்குமார். இவரின் மகள் கோவையில் உள்ள ஒரு தனியார் கல்லூரியில் பயின்று வருகிறார். இந்த நிலையில் கடந்த சில நாட்களுக்கு முன்பு அதே பகுதியைச் சேர்ந்த சூர்யா என்ற வாலிபர் மற்றும் அவரது நண்பர்கள், அந்த மாணவியின் அடையாள அட்டையை வலுக்கட்டாயமாகப் பறித்துச் சென்று தொல்லை கொடுத்துள்ளனர்.