முதல்-அமைச்சர் விஜய் இன்னும் நடிகராகவே செயல்படுகிறார்; தி.மு.க. முன்னாள் அமைச்சர் சிவசங்கர் விமர்சனம்

சென்னை,

முதல்-அமைச்சர் விஜய் இன்னும் நடிகராகவே செயல்படுகிறார். சட்டசபையை 'சூட்டிங் ஸ்பாட்' போன்று நினைக்கிறார் என்று தி.மு.க. முன்னாள் அமைச்சர் சிவசங்கர் விமர்சித்துள்ளார்.

சட்டசபையில் தி.மு.க. மீது முதல்-அமைச்சர் விஜய் முன் வைத்த விமர்சனங்களுக்கு முன்னாள் அமைச்சர் சிவசங்கர் பதிலளித்துள்ளார். இதுதொடர்பாக அவர், சென்னை அண்ணா அறிவாலயத்தில் நிருபர்களுக்கு அளித்த பேட்டியில் கூறியதாவது:-

தமிழ்நாடு சட்டப்பேரவையில் கவர்னர் உரை மீதான விவாதத்தின் போது எதிர்க்கட்சி தலைவர் உதயநிதி ஸ்டாலின் இந்த அரசின் மீது வைக்கப்பட்ட குற்றச்சாட்டுகளுக்கு முதல்-அமைச்சர் பதிலளித்து பேச வேண்டும் என கூறியிருந்தார். ஆனால் அவர் வைத்த குற்றச்சாட்டுகளுக்கு பதில் அளிக்காமல் தி.மு.க. மீது குற்றம் சுமத்துவதையே தனது பணியாக கொண்டுள்ளார்.