நேற்று முன்தினம் இரவு சுந்தர், இதற்காக வாழைப்பழங்களை வாங்கி அதில் விஷத்தை வைத்து 2 மகன்களுக்கும் கொடுத்துள்ளார். அதை சாப்பிட்ட சிறுவர்கள் 2 பேரும் சிறிது நேரத்தில் ஒருவர்பின் ஒருவராக மயங்கி விழுந்தனர். அதன் பின்னர் தானும் விஷத்தை தின்றுள்ளார்.

இந்த நிலையில் நேற்று காலையில் நீண்ட நேரம் ஆகியும் சுந்தரின் வீட்டுக்கதவு திறக்கப்படாததால் அக்கம்பக்கத்தினர் சந்தேகம் அடைந்தனர். சத்தம் கொடுத்தும் உள்ளே இருந்து எந்த பதிலும் வரவில்லை.

எனவே வீட்டுக் கதவை உடைத்து திறந்து பார்த்த போது சுந்தரும், அவருடைய மகன்களும் பிணமாக கிடந்ததை கண்டு அதிர்ச்சி அடைந்தனர். இதை அறிந்ததும் அந்த பகுதியை சேர்ந்தவர்கள் அங்கு சோகத்துடன் திரண்டனர்.

சம்பவம் குறித்த தகவல் அறிந்ததும் அலங்காநல்லூர் போலீசார் விரைந்து வந்து விசாரணை நடத்தினார்கள். 3 பேரின் உடல்களையும் பரிசோதனைக்காக மதுரை அரசு ஆஸ்பத்திரிக்கு அனுப்பி வைத்தனர்.

மேலும் இது குறித்து அலங்காநல்லூர் போலீசார் வழக்குப்பதிவு செய்து விசாரணை நடத்தி வருகின்றனர். மகன் களுக்கு விஷம் கொடுத்து கொன்றுவிட்டு டிரைவர் சுந்தர் தற்கொலை செய்து கொண்ட சம்பவம் அந்த பகுதியில் பரிதாபத்தை ஏற்படுத்தியது.