இதுகுறித்து பூங்கா அதிகாரி ஒருவர் கூறுகையில், ஒரு இடத்தில் இருந்து வேறு இடத்துக்கு மாற்றப்பட்டதால் அந்த சிறுத்தைப்புலிகள் சரியாக சாப்பிடாமல் உள்ளன. சில நாட்கள் அந்த சிறுத்தைப்புலிகளை கண்காணிப்பில் வைத்து, பின்னர் அவை சுற்றுலா பயணிகளின் பார்வைக்கு விடப்படும் என்றார்.

இதுபற்றி மற்றொரு அதிகாரி கூறுகையில், பைகுல்லா ராணி பூங்காவுக்கு சிங்கம், புலி, அரியவகை பறவைகள், கரடி, நரி, ஓநாய் போன்றவையும் கொண்டு வரப்பட உள்ளன. அந்த விலங்குகளுக்கான வாழ்விடங்கள் அமைக்கும் பணி நடந்து வருகிறது, என்றார்.

பைகுல்லா பூங்காவில் இதுவரை சிறுத்தைப்புலிகள் இல்லாமல் இருந்தது. தற்போது அதன் வரவு மூலம் அவை விரைவில் சுற்றுலா பயணிகளின் கண்களுக்கு விருந்து படைக்க உள்ளன.