ஆளில்லா குட்டி விமானத்தை கொண்டு எதிரிகள் முக்கிய இடங்களில் அசம்பாவித சம்பவங்களை நிகழ்த்துவதற்கு திட்டமிட்டு பறக்கவிட்டால், அதனை தற்போது மாணவர் கண்டுபிடித்து இருக்கும் இந்த செயற்கை நுண்ணறிவு தொழில்நுட்பத்திலான குட்டி விமானம் தடுத்து நிறுத்தி, அதில் செய்யப்பட்டு இருக்கும் புரோகிராமை மாற்றி பாதுகாப்பாக தரையிறங்க செய்துவிடும்.

இந்த தொழில்நுட்பத்திலான ஆளில்லா குட்டி விமானம் நாட்டின் பாதுகாப்புத் துறைக்கு அவசியமான ஒன்றாக இருக்கும் என்றும், நாட்டின் பாதுகாப்பை இது மேலும் வலுப்படுத்தும் என்றும் இதனை கண்டுபிடித்தவர்கள் கூறுகின்றனர். இதுதொடர்பாக மத்திய அரசுடனும் பேசி வருவதாக தகவல்கள் வெளியாகி இருக்கின்றன.