போர் நிறுத்தம்: அமெரிக்காவிடம் புதிய கோரிக்கையை முன் வைத்த ஈரான்

அமெரிக்காவிடம் வழங்கிய புதிய கோரிக்கையில், மூன்று நிலைகளை ஈரான் குறிப்பிட்டுள்ளது. அதில், முதலில் போர் முழுமையாக நிறுத்தப்பட வேண்டும், ஈரான் மற்றும் லெபனான் மீது தாக்குதல் நடத்தப்படாது என்பதை உறுதி செய்ய வேண்டும்.

இரண்டாவது கட்டமாக அமெரிக்க படைகள் பின்வாங்கப்பட்டு, ஹார்முஸ் நீரிணையை திறக்கப்பட்டு, கடல்வழிப் போக்குவரத்து சீர்செய்யப்படும். இது இரண்டும் நடந்தால், இறுதியாக அணு ஆயுத உற்பத்தி நிறுத்தம் குறித்து அமெரிக்க குழுவிடம் ஈரான் விவாதிக்கும் எனத் தெரிவிக்கப்பட்டுள்ளது.

அணு ஆயுத உற்பத்தியை முழுமையாக நிறுத்துவோம் என்று ஈரான் அறிவித்தால் மட்டுமே போர் நிறுத்தம் செய்யப்படும் என்று அமெரிக்கா மீண்டும் மீண்டும் தெரிவித்து வரும் சூழலில், ஈரானின் புதிய கோரிக்கையை அமெரிக்கா ஏற்குமா எனத் தெரியவில்லை பொறுத்து இருந்துதான் பார்க்க வேண்டும்.