இங்கிலாந்தில் கொரோனா பரவலை தடுப்பதற்காக ஊரடங்கு உள்ளிட்ட பல்வேறு கட்டுப்பாடுகள் அமல்படுத்தப்பட்டுள்ளன. மேலும் தடுப்பூசி போடும் பணிகளும் முழு வீச்சில் நடைபெற்று வருகின்றன. கொரோனா தடுப்பு நடவடிக்கைகள் அனைத்தும் சரியாக பின்பற்றப்பட்டால், ஊரடங்கு கட்டுப்பாடுகள் அனைத்தும் ஜூன் 21 ஆம் தேதியோடு நிறைவுக்கு வரும் என அந்நாட்டின் பிரதமர் போரிஸ் ஜான்சன் அறிவித்திருந்தார்.

இந்த நிலையில் இங்கிலாந்து மக்களிடையே பி.1.617 என்ற உருமாறிய கொரோனா வைரஸ் தொற்று பரவி வருவது கண்டறியப்பட்டது. இதற்கிடையில் ஊரடங்கில் தற்போது சில தளர்வுகள் அறிவிக்கப்பட்டுள்ள நிலையில், அங்கு தற்போது வெயில் காலம் என்பதால் மக்கள் கடற்கரைகளிலும், பூங்காக்களிலும் அதிக அளவில் கூடி வருகின்றனர்.