அமெரிக்காவில் பல்வேறு நாடுகளை சேர்ந்த மக்கள் வசித்து வருகின்றனர். இந்தியர்களும் பெருமளவில் பல்வேறு மாகாணங்களில் குடிபுகுந்து வாழ்ந்து வருகின்றனர். ஜார்ஜியா மாகாணத்தில் இந்தியாவை சேர்ந்த இந்து அமெரிக்க சமூக மக்கள் அதிக அளவில் வசித்து வருகின்றனர். அவர்கள் மாகாண வளர்ச்சிக்கு பெரும் பங்காற்றியுள்ளனர்.

இதனை கவனத்தில் கொண்டு, ஜார்ஜியாவில் அக்டோபர் மாதம் இந்து பாரம்பரிய மாதம் என அறிவிக்க முடிவானது. இதுபற்றி ஜார்ஜியா மாகாண கவர்னர் பிரையன் கெம்ப் வெளியிட்ட அறிவிப்பில், இந்து பாரம்பரியம், கலாசாரம், மரபுகள் மற்றும் மதிப்புகள் ஆகியன அவற்றை பின்பற்றுவோருக்கு, வாழ்வின் எண்ணற்ற பிரச்சனைகளுக்கு விலைமதிப்பற்ற தீர்வுகளை வழங்குகின்றன.