அதிகப்படியான மேய்ச்சல் மற்றும் காடுகளை அழித்தல், ஆற்று நீரை அதிகப்படியாக பயன்படுத்துதல் ஆகியவற்றுடன் தொடர்புடைய ஒரு காலநிலை இயற்கை நிகழ்வாக புழுதிப்புயல் உருவெடுத்துள்ளது. காலநிலை மாற்றம் தான் இதற்கு முக்கிய காரணமாக சொல்லப்படுகிறது.

புழுதிப்புயலால் ஏற்படும் அதிக காற்று மற்றும் தூசியால், குறைந்த தெளிவுநிலை மற்றும் பார்வைக்குறைவு ஏற்படும் என்பதால், வாகன ஓட்டிகளை எச்சரிக்கையாக இருக்குமாறு அமீரக தலைநகர் அபுதாபி காவல்துறை அறிவுறுத்தியுள்ளது.

புழுதிப்புயலால் அமீரகத்தின் கிட்டத்தட்ட அனைத்து பகுதிகளும், தூசியால் மூடப்பட்டது போல் காட்சியளிக்கிறது.மணிக்கு 40 கிலோமீட்டர் (25 மைல்) வேகத்தில் காற்று புழுதியை வீசுகிறது என வானிலை மையம் தெரிவித்துள்ளது. வரும் ஞாயிற்றுக்கிழமைக்குள் மற்றொரு புழுதிப்புயல் அமீரகத்தில் ஏற்படும் என்றும் வானிலை மையம் கணித்துள்ளது.