பலுசிஸ்தான் விடுதலை ராணுவம் என்கிற பயங்கரவாத அமைப்பை சேர்ந்த 30 வயதான ஷரி பலோச் என்கிற பரம்ஷா என்ற பெண்தான் இந்த தாக்குதலை நடத்தியவர். விலங்கியல் துறையில் முதுகலை பட்டமும், கல்வியிலில் எம்.பில் பட்டமும் பெற்ற இவர் பள்ளிக்கூடம் ஒன்றில் அறிவியல் ஆசிரியையாக பணியாற்றி வந்துள்ளார். இவருக்கு திருமணமாகி 2 குழந்தைகள் உள்ளன. கணவர் பல் மருத்துவராக உள்ளார். கடந்த 2 ஆண்டுகளுக்கு முன்பு பயங்கரவாத இயக்கத்தில் சேர்ந்த இவர் தாமாக முன்வந்து இந்த தற்கொலைப்படை தாக்குதலை நடத்தியுள்ளார்.