ஐக்கிய அரபு அமீரகத்தின் சுகாதாரத்துறை அமைச்சகம் வெளியிட்டுள்ள அறிக்கையின்படி, அங்கு கடந்த 24 மணி நேரத்தில் 2,959 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் அமீரகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 4 லட்சத்து 8 ஆயிரத்து 236 ஆக உயர்ந்துள்ளது.

கொரோனா பாதிப்பு காரணமாக ஒரே நாளில் 14 பேர் உயிரிழந்ததையடுத்து அங்கு உயிரிழப்பு எண்ணிக்கை 1,310 ஆக உயர்ந்துள்ளது. அதே சமயம் கடந்த 24 மணி நேரத்தில் கொரோனாவால் பாதிக்கப்பட்ட 1,901 பேர் குணமடைந்து தங்கள் வீடுகளுக்கு திரும்பியுள்ளனர். இதனால் தற்போது மொத்த குணமடைந்தவர்களின் எண்ணிக்கை 3 லட்சத்து 91 ஆயிரத்து 205 ஆக உயர்ந்துள்ளது.