அமெரிக்காவுடன் பேச்சுவார்த்தை; மீண்டும் பாகிஸ்தான் சென்ற ஈரான் வெளியுறவுத்துறை மந்திரி

இதைத் தொடர்ந்து, அமெரிக்காவின் தூதர்கள் குழு மேற்கொள்ள இருந்த பாகிஸ்தான் பயணத்தை அமெரிக்க அதிபர் டொனால்டு டிரம்ப் அதிரடியாக நிறுத்தினார். இது குறித்து அவர் கூறுகையில், "எங்கள் குழுவினர் புறப்படுவதற்கு தயாராக இருந்தனர். அவர்களை நான் தடுத்து நிறுத்திவிட்டேன். பேச்சுவார்த்தைக்காக இனி நாம் 18 மணி நேர விமான பயணத்தை மேற்கொள்ள தேவையில்லை. அதிகாரம் எங்கள் கையில்தான் உள்ளது. அவர்கள் எங்களை எப்போது வேண்டுமானாலும் அழைக்கலாம்” என்று தெரிவித்தார்.

இந்த நிலையில், ஈரான் வெளியுறவுத் துறை அமைச்சர் அப்பாஸ் அரக்சி இன்று மீண்டும் பாகிஸ்தான் சென்றுள்ளார் என தகவல் வெளியாகியுள்ளது. அதே சமயம், அமெரிக்கா தரப்பில் தூதர்கள் குழுவினர் பாகிஸ்தான் செல்லாத நிலையில், மீண்டும் அமெரிக்கா, ஈரான் இடையே பேச்சுவார்த்தை நடைபெறுமா? என எதிர்பார்ப்பு எழுந்துள்ளது குறிப்பிடத்தக்கது.