தான்சானியாவின் முதல் பெண் அதிபருக்கு கமலா ஹாரிஸ் வாழ்த்து

டார் எஸ் சலாம் நகரில் நடைபெற்ற பதவியேற்பு விழாவில் சமியா சுலுகு ஹசன், ஹிஜாப் ஆடையில் ஒரு கையில் குரானை வைத்துக்கொண்டு, நாட்டின் அரசியல் அமைப்பை பாதுகாப்பேன் என்று உறுதியளித்து பதவியேற்று கொண்டார். அவருக்கு உலகம் முழுவதும் இருந்து பல்வேறு தலைவர்கள் வாழ்த்து தெரிவித்து வருகின்றனர்.

அந்த வகையில் அமெரிக்காவின் முதல் பெண் துணை அதிபர் என்ற பெருமையைப் பெற்றுள்ள கமலா ஹாரிஸ், தான்சானியாவின் புதிய பெண் அதிபர் சமியா சுலுகு ஹசனுக்கு வாழ்த்து தெரிவித்துள்ளார். இது குறித்து தனது டுவிட்டர் பக்கத்தில் பதிவிட்டுள்ள கமலா ஹாரிஸ், தான்சானியாவின் முதல் பெண் அதிபராக பதவியேற்றுள்ள

சமியா சுலுகு ஹசனுக்கு வாழ்த்துக்கள். நமது இரு நாடுகளுக்கிடையிலான உறவுகளை வலுப்படுத்த உங்களுடன் பணியாற்ற அமெரிக்கா தயாராக உள்ளது என்று தெரிவித்துள்ளார்.