லிபியாவில் அதிபருக்கு பதிலாக 3 உறுப்பினர்களை கொண்ட கவுன்சில்தான் ஆட்சி அதிகாரத்தை கொண்டுள்ளது. அந்த நாட்டின் வெளியுறவு மந்திரியாக நஜ்லா மங்கூஷ் என்ற பெண் தலைவர் பதவி வகித்து வந்தார். அவர், வெளிநாட்டுக்கொள்கையில் ஏகபோக உரிமை எடுத்துக்கொண்டதாக தெரிகிறது. இந்த நிலையில் அவர் பதவியில் இருந்து நீக்கப்பட்டு இருப்பதாக ஆளும் கவுன்சில் தெரிவித்துள்ளது.

அவர் மீதான விசாரணை நடந்து முடிகிறவரையில் அவர் வெளிநாடு செல்லவும் தடை விதிக்கப்பட்டுள்ளது. என்ன காரணத்துக்காக அவர் பதவி நீக்கம் செய்யப்பட்டுள்ளார் என்பதை ஆளும் கவுன்சில் செய்தி தொடர்பாளர் தெரிவிக்கவில்லை. பதவி நீக்கம் செய்யப்பட்டுள்ள மந்திரி நஜ்லா மங்கூசும் இதுபற்றி கருத்து எதுவும் வெளியிடவில்லை.