எந்த பேச்சுவார்த்தையும் இல்லை; கடும் எச்சரிக்கையால் பின்வாங்கிய டிரம்ப்: ஈரான் அரசு ஊடகம்

இந்த விரிவான, பயனுள்ள பேச்சுவார்த்தை வாரம் முழுவதும் தொடர கூடும். அதனடிப்படையில், ஈரான் அணு உலைகள் மற்றும் எரிசக்தி உள்கட்டமைப்புகள் மீது நடத்தப்படும் அனைத்து ராணுவ தாக்குதல்களையும் 5 நாட்களுக்கு ஒத்திவைக்க வேண்டும் என்று போர் துறைக்கு நான் உத்தரவிட்டு உள்ளேன். நடந்து வரும் கூட்டங்கள் மற்றும் கலந்துரையாடல்களுக்கு கிடைத்த வெற்றியின் அடிப்படையில் இந்நடவடிக்கை எடுக்கப்படுகிறது என அவர் தெரிவித்து உள்ளார். இதில், கவனம் செலுத்திய அனைவருக்கும் நன்றி என்றும் அவர் தெரிவித்து உள்ளார்.

டிரம்பின் பதிவுக்கு பதிலளிக்கும் வகையில், ஈரான் நாட்டின் அரசு ஊடகம் இன்று வெளியிட்ட செய்தியில், அமெரிக்காவுடன் எந்த பேச்சுவார்த்தையும் இல்லை. ஈரான் விடுத்த கடும் எச்சரிக்கையால் டிரம்ப் பின்வாங்கியுள்ளார் என்று செய்தி வெளியிட்டு உள்ளது. ஹார்மூஸ் ஜலசந்தியை மீண்டும் திறக்க வேண்டும் என்று டிரம்ப் விடுத்த 48 மணிநேர காலக்கெடு இன்று நள்ளிரவு 12 மணியுடன் முடிவுக்கு வரும். அதன்பின்னர் ஈரானை கடுமையாக தாக்குவோம் என்று டிரம்ப் எச்சரித்திருந்த சூழலில், கூடுதலாக 5 நாட்களுக்கு காலக்கெடுவை நீட்டிப்பதற்கான அறிவிப்பை டிரம்ப் இன்று வெளியிட்டார்.