தென்கொரியாவில் சமீபத்தில் நடந்த குளிர்கால ஒலிம்பிக் போட்டியைத் தொடர்ந்து, பகை நாடுகளாக திகழ்ந்து வந்த வடகொரியாவும், தென்கொரியாவும் நட்பு பாராட்டத் தொடங்கி உள்ளன. இரு தரப்பு பகை உணர்வு மாறி நேசம் துளிர்த்து வருகிறது. இந்த நிலையில் வட கொரிய தலைவர் கிம் ஜாங் அன்னும், தென் கொரிய அதிபர் மூன் ஜே இன்னும் சந்தித்து பேச முடிவானது.

இது தொடர்பாக இரு தரப்பு உயர் மட்டக்குழுவினரும் நேற்று எல்லைப்பகுதியில் அமைந்து உள்ள பான்முன்ஜோம் ஒருங்கிணைப்பு பெவிலியனில் சந்தித்துப் பேசினர். அதில் கிம் ஜாங் அன்- மூன்ஜே அன் பேச்சு வார்த்தையை அடுத்த மாதம் (ஏப்ரல்) 27-ந் தேதி வைத்துக்கொள்வது என முடிவு செய்யப்பட்டது. இந்த பேச்சுவார்த்தை, பான்முன்ஜோமில் உள்ள தென்கொரியாவின் சமாதான இல்லத்தில் நடைபெறும்.