இந்நிலையில் அங்கு மீண்டும் கொரோனா பாதிப்பு அதிகரித்ததால், பூஜ்ய கொரோனா கொள்கை அடிப்படையில் கொரோனா தடுப்பு நடவடிக்கைகளை தொடர சீன அரசு முடிவு செய்தது. இதன்படி சீனாவின் முக்கிய மாகாணங்களில் மிகத் தீவிரமான ஊரடங்கு அமல்படுத்தப்பட்டது.

அந்த வகையில் ஷாங்காய் மாகாணத்தில் சுமார் 6 வாரங்களுக்கும் மேலாக ஊரடங்கு அமலில் உள்ளது. மொத்தம் 16 மாவட்டங்களைக் கொண்ட ஷாங்காய் மாகாணத்தின் 15 மாவட்டங்களில் தற்போது கொரோனா பாதிப்பு குறைந்துள்ளதால், ஊரடங்கை தளர்த்துவதற்கு மாகாண அரசு முடிவு செய்துள்ளது.

அதன்படி வரும் ஜூன் 1 ஆம் தேதி முதல் ஷாங்காய் மாகாணத்தில் ஊரடங்கை தளர்த்த முடிவு செய்யப்பட்டுள்ளதாக தெரிவிக்கப்பட்டுள்ளது. தொழிற்சாலைகள், பள்ளிக்கூடங்கள், மருந்தகங்கள், அத்தியாவசிய பொருட்கள் விற்பனையகம் உள்ளிட்டவற்றை முதலில் திறக்க அனுமதி வழங்கப்படும் என கூறப்படுகிறது. அதே போல் டேக்சி சேவைகளுக்கு மே 22 முதல் அனுமதி அளிக்கப்படும் என்றும் தெரிவிக்கப்பட்டுள்ளது.