ஈரான் அதிபருடன் பிரதமர் மோடி தொலைபேசியில் பேச்சு

பதற்றமான சூழல்

இந்த தாக்குதல்கள் தொடர்ந்தால் மேலும் ராணுவ நடவடிக்கை எடுக்கப்படும் என அமெரிக்க அதிபர் டொனால்ட் டிரம்ப் எச்சரித்த நிலையில், அமெரிக்காவின் எந்தவொரு அடுத்தகட்ட நடவடிக்கையும் பேச்சுவார்த்தைகளை முழுமையாக நிறுத்திவிடும் என்று ஈரானிய அதிகாரிகள் தெரிவித்தனர். அடுத்தடுத்து நிகழ்ந்து வரும் இந்த தாக்குதல்களால் மத்திய கிழக்கில் பதற்றமான சூழல் தொடர்ந்து நீடித்து வருகிறது.

பிரதமர் மோடிக்கு அழைப்பு

இந்த சூழலில், போரின் முதல் நாளில் கொல்லப்பட்ட ஈரான் உச்ச தலைவர் அயத்துல்லா அலி காமேனியின் இறுதிச் சடங்கு வரும் 5-ந்தேதி முதல் 9-ந்தேதி வரை நடைபெற உள்ளது. இதில் கலந்து கொள்ள இந்திய பிரதமர் நரேந்திர மோடிக்கு ஈரான் அதிபர் மசூத் பெசெஷ்கியான் அழைப்பு விடுத்துள்ளார்.

தொலைபேசியில் உரையாடல்

இந்நிலையில், பிரதமர் மோடி ஈரான் அதிபரை தொலைபேசியில் தொடர்பு கொண்டு பேசியுள்ளார். இது தொடர்பாக ‘எக்ஸ்’ தளத்தில் அவர் வெளியிட்டுள்ள பதிவில், “மேற்கு ஆசியாவில் ஏற்பட்டுள்ள சமீபத்திய நிகழ்வுகள் குறித்து ஈரான் அதிபர் மசூத் பெசெஷ்கியானுடன் உரையாடினேன். பேச்சுவார்த்தைகளில் ஏற்பட்டுள்ள முன்னேற்றத்தை வரவேற்றதுடன், தொடர்ச்சியான முயற்சிகள் மத்திய கிழக்கு பகுதியில் நீடித்த அமைதியை ஏற்படுத்தும் என்று நம்பிக்கை தெரிவித்தேன். ஹார்முஸ் ஜலசந்தியில் தடையற்ற கப்பல் போக்குவரத்து இந்தியாவிற்கும், உலகத்திற்கும் முக்கியமானது என்பதை மீண்டும் வலியுறுத்தினேன்” என்று பதிவிட்டுள்ளார்.