உலகம் முழுவதும் கொரோனா வைரஸ் தொற்றால் இதுவரை 1,80,91,692 பேர் பாதிக்கப்பட்டுள்ளனர். வைரஸ் தொற்றுக்கு இதுவரை 6,89,977 பேர் உயிரிழந்துள்ளனர். உலகை அச்சுருத்தி வரும் கொரோனா வைரஸ் ரஷ்ய நாட்டிலும் வேகமாக பரவி வருகிறது.

இந்நிலையில் அங்கு கடந்த 24 மணி நேரத்தில் மேலும் 5,427 பேருக்கு கொரோனா தொற்று உறுதிசெய்யப்பட்டுள்ளது. இதன்மூலம் ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை தற்போது 8,50,870 ஆக அதிகரித்துள்ளது. கொரோனா தொற்றுக்கு மேலும் 70 பேர் உயிரிழந்ததால், அங்கு பலியானோர் எண்ணிக்கை 14,128 ஆக அதிகரித்துள்ளது. கொரோனா தொற்றில் இருந்து ஒரே நாளில் பேர் 8,114 குணமடைந்த நிலையில், இதுவரை 6,50,173 பேர் முழுமையாக சிகிச்சை பெற்று குணமடைந்து வீடு திரும்பியுள்ளனர். தற்போது 1,86,569 பேர் மருத்துவமனை சிகிச்சையில் உள்ளனர்.