ஈரான் மீது இன்று இரவு கடுமையான தாக்குதல் நடத்தப்படும்: டிரம்ப் எச்சரிக்கை

டெஹ்ரான்,

வளைகுடா பிராந்தியத்தில் ஈரான்-அமெரிக்கா இடையே போர் நிறுத்த பேச்சுவார்த்தை தீவிரமாக நடந்து வருகிறது. அதேநேரம் இரு தரப்பும் அவ்வப்போது தாக்குதலிலும் ஈடுபட்டு வருகின்றன.   அத்துடன் ஈரானும், இஸ்ரேலும் மீண்டும் பரஸ்பர தாக்குதலை நடத்தியதால் வளைகுடா பிராந்தியத்தில் நிரந்தர அமைதி ஏற்படுவதில் தொடர்ந்து சிக்கல் நீடிக்கிறது.   இந்த பரபரப்புக்கு இடையே அமெரிக்காவின் அப்பாச்சி ரக ஹெலிகாப்டர் ஒன்று நேற்று முன்தினம் சுட்டு வீழ்த்தப்பட்டது. ஹார்முஸ் நீரிணையில் ரோந்து பணியில் ஈடுபட்டிருந்த அந்த ஹெலிகாப்டர் ஈரானின் டிரோன் தாக்குதலில் சிக்கி விழுந்தது.   எனினும் அதில் இருந்த 2 விமானிகள் பத்திரமாக மீட்கப்பட்டதாக அமெரிக்க ஜனாதிபதி டிரம்ப் பின்னர் அறிவித்தார்.