ஹார்முஸ் ஜலசந்தியை திறக்க முடியாது: ஈரான் திட்டவட்டம்

இந்த நிலையில் அமெரிக்க கடற்படையின் முற்றுகை நடவடிக்கை நீடிக்கும்வரை ஹார்முஸ் ஜலசந்தியை திறக்க மாட்டோம் என்று ஈரான் மீண்டும் திட்டவட்டமாக தெரிவித்துள்ளது. இது தொடர்பாக ஈரான் பாராளுமன்ற சபாநாயகர் முகமது பாகர் காலிபாப் தனது எக்ஸ் வலைதள பக்கத்தில் கூறியதாவது:-

போர் நிறுத்தம் என்பது கடல்வழி முற்றுகை மற்றும் உலகின் பொருளாதாரத்தைப் பிணைக்கைதிகளாகப் பிடிக்கும் செயல் ஆகியவை இல்லாமல் இருந்தல் மற்றும் அனைத்து முனைகளிலும் இஸ்ரேலின் போர்வெறி நிறுத்தப்பட்டிருத்தல் மட்டுமே அது அர்த்தமுள்ளதாக இருக்கும்.போர்நிறுத்தத்தின் இத்தகைய அப்பட்டமான மீறலுடன் ஹார்முஸ் ஜலசந்தியை மீண்டும் திறப்பது சாத்தியமில்லை. அவர்கள் தங்கள் இலக்குகளை ராணுவ ஆக்கிரமிப்பின் மூலம் அடையவில்லை. மிரட்டல் மூலமாகவும் அடையப்போவதில்லை. ஈரானிய தேசத்தின் உரிமைகளை அங்கீகரிப்பதே முன்னேறுவதற்கான ஒரே வழி என்று தெரிவித்துள்ளார்.ஈரான் அதிபர் மசூத் பெசெஷ்கியன் கூறும்போது, பேச்சுவார்த்தைகளுக்கு ஈரான் தயாராக உள்ளது. ஆனால் உறுதிமொழிகளை மீறுதல், முற்றுகை மற்றும் அச்சுறுத்தல்கள் ஆகியவை உண்மையான பேச்சுவார்த்தைகளுக்கு முக்கிய தடைகளாக உள்ளன என்றார்.