சிங்கப்பெண்ணே... சிங்கப்பெண்ணே...

இந்த படையில் உள்ள அதிகாரிகள், போலீசாருக்கு வழக்கமான சீருடை இல்லாமல் காக்கி பேண்ட்டும், நீல நிறத்தில் சட்டையும், தொப்பியும் வழங்கப்பட்டுள்ளது. போலீஸ் பெண் ஐ.ஜி. பவானீஸ்வரி தலைமையில் ஒவ்வொரு காவல் மாவட்டத்துக்கும் ஒரு தனிப்படை அமைக்கப்பட்டுள்ளது. இந்த படைக்கு தொழில்நுட்ப உபகரணங்களோடு கூடிய நவீன வாகனங்களும் வழங்கப்பட்டுள்ளன. ஒவ்வொரு வாகனத்திலும் ஒரு பெண் போலீஸ் சப்-இன்ஸ்பெக்டர் தலைமையில் பெண் போலீசார் மிடுக்காக வலம் வருகிறார்கள். அவர்களுக்கு பொதுஇடங்களில் கண்காணிப்பு மற்றும் ரோந்து பணிகளை மேற்கொள்ளுதல், காவல்துறையின் இருப்பை உறுதி செய்து, பெண்கள் மற்றும் குழந்தைகளிடையே நம்பிக்கையை ஏற்படுத்துதல், பொதுஇடங்களில் பெண்கள் மற்றும் குழந்தைகளுக்கு எதிரான வன்முறைகளை தடுத்தல், பெண்கள் மற்றும் குழந்தைகளுக்கு உகந்த சமூகத்தை உருவாக்கும் நோக்கில் மக்கள் இயக்கமாக செயல்படுதல் ஆகியவை பணிகளாக வரையறுக்கப்பட்டுள்ளன.