இந்தியாவை உச்சத்துக்கு கொண்டு போகும் ஏ.ஐ. உச்சி மாநாடு

இதனால் வேலை இழப்புகள் ஏற்பட்டு விடும். எண்ணற்றோர் வேலை இழந்து வீதிக்கு வந்துவிடுவார்களோ? என்று உலகமே அச்சப்பட்டுக்கொண்டு இருந்த நேரத்தில் இது அதிகளவில் வேலை வாய்ப்புகளை உருவாக்கும் என்ற நல்ல செய்திகளும் கிடைத்துள்ளன. செயற்கை நுண்ணறிவின் பயன்பாட்டை மேம்படுத்தவும், அதன் செயல்பாட்டை பரவலாக்கவும் நிபுணர்கள் கூடி ஆராய்வதற்காக உலக அளவில் முதல் உச்சி மாநாடு கடந்த 2023-ம் ஆண்டு இங்கிலாந்தில் உள்ள பிளட்சலி பூங்காவில் நடந்தது. 2024-ம் ஆண்டு தென்கொரியாவின் சியோலிலும், 2025-ம் ஆண்டு மாநாடு பிரான்ஸ் தலைநகர் பாரீசிலும் நடந்தது. அந்தவகையில், 4-வது உச்சி மாநாட்டின் தொடக்க விழா டெல்லி பாரத மண்டபத்தில் நாளை காலையில் நடைபெறுகிறது.

இந்த உச்சி மாநாட்டின் முன்னோட்டமாக பிரதமர் மோடி கடந்த 16-ந்தேதி கண்காட்சியை தொடங்கி வைத்தார். டெல்லியில் நடைபெறும் உச்சி மாநாட்டில் 20 நாடுகளின் தலைவர்கள். 45 நாடுகளை சேர்ந்த மந்திரிகள், தொழில்நுட்ப ஜாம்பவான்களான 50-க்கும் மேற்பட்ட முன்னணி நிறுவனங்களின் தலைமை செயல் அதிகாரிகள் கலந்து கொள்கிறார்கள். இந்த மாநாட்டின் கருப்பொருள் 'அனைவருக்கும் நலன், அனைவருக்கும் மகிழ்ச்சி' என்பதாகும். இந்த மாநாடு வெறும் பேச்சோடு கூடிக் கலைந்தோம் என்று இல்லாமல் செயல்பாடுகளை அடிப்படையாகக் கொண்டு "மக்கள், பூமி, வளர்ச்சி" என்ற 3 சூத்திரங்கள் மற்றும் “மனித மூலதனம், சமூக அதிகாரம், பாதுகாப்பான செயற்கை நுண்ணறிவு, அறிவியல், திறன், ஜனநாயகப்படுத்துதல், பொருளாதார வளர்ச்சி" ஆகிய 7 தத்துவங்களின் அடிப்படையில் புதிய முடிவுகள் எடுக்கப்படுகின்றன.