நாமாகவே பதிவு செய்ய முடியும் கணக்கெடுப்பு

இதையடுத்து அவர்களுக்கு 16 இலக்க எண் வழங்கப்படும். இந்த எண்ணை, கணக்கெடுப்பு பணியின் 2-வது பிரிவாக வீட்டுக்கு வந்து கணக்கெடுப்பவர்களிடம் கொடுத்தால் போதும். அவரிடம் வேறு தகவல்கள் தர தேவையில்லை. ஒருவேளை இந்த சுயவிவர படிவத்தை இணையதளத்தில் பூர்த்தி செய்யாவிட்டால், கணக்கெடுப்பாளரிடம் அந்த 33 கேள்விகளுக்கும் பதில் அளிக்கவேண்டும். அவர் டிஜிட்டல் முறையில் செல்போனில் அதனை பதிவு செய்துகொள்வார். இந்த பணிக்கு ஒவ்வொரு மாநிலத்திற்கும், ஒவ்வொரு காலக்கெடு நிர்ணயிக்கப்பட்டுள்ளது.

தமிழகத்தில் சுயவிவர கணக்கெடுப்பு பணி ஜூலை மாதம் 17-ந்தேதி முதல் ஜூலை 30-ந்தேதி வரையும், அதன் தொடர்ச்சியாக கணக்கெடுப்பாளர்கள் வீட்டுக்கு வந்து தகவல் சேகரிக்கும் பணி ஆகஸ்டு 1-ந்தேதி முதல் ஆகஸ்டு 31-ந்தேதி வரையும் நடக்கிறது. அடுத்த ஆண்டு பிப்ரவரி மாதம் தொடங்கும் மக்கள் கணக்கெடுப்பு பணியின்போது மக்களின் தனிப்பட்ட விவரங்கள், கல்வி, சாதி, மதம் போன்ற கேள்விகள் கேட்கப்படும்.

வரலாற்றில் முதல் முறையாக, நீண்ட நாள் கோரிக்கையான சாதிவாரி கணக்கெடுப்பும் அதில் இடம்பெறுகிறது. இந்த கணக்கெடுப்பு மூலம் ஒவ்வொரு சாதியிலும் எவ்வளவு பேர் இருக்கிறார்கள்? என்பது துல்லியமாக தெரிந்துவிடும் என்பதால், அதன் அடிப்படையில் இடஒதுக்கீட்டை மீண்டும் வரையறை செய்ய இது வழிவகுக்கும்.