காரைக்காலை அடுத்த கோவில்பத்து கிராமத்தை சேர்ந்தவர் இயற்கை விவசாயி பாஸ்கர். இவர் விரிச்சிகுடி கிராமத்தில் தனக்கு சொந்தமான 15 ஏக்கர் நிலத்தில் 20 ஆண்டுகளுக்கு மேலாக இயற்கை முறையில் விவசாயம் செய்து வருகிறார். இவரது வயலில் அழிந்து வரும் பல்வேறு வகையான நெற்பயிர்களை சாகுபடி செய்து வெற்றி கண்டுள்ளார்.

இந்நிலையில் அனைவரும் இயற்கை விவசாயத்தில் ஈடுபட வேண்டும் என்று விழிப்புணர்வு ஏற்படுத்தும் வகையில் தனது வயலின் நடுவே அரிய வகை நெற்பயிரான ராஜமுடி, சின்னார் 20 மற்றும் செங்கல்பட்டு சிறுமனி சம்பா நெல் ரகங்களை கொண்டு சிவலிங்கம், இந்தியா வரைபட வடிவத்தில் நடவு செய்துள்ளார்.