வாதங்கள் முடிவடைந்த நிலையில் வழக்கின் தீர்ப்பு 3 முறை ஒத்திவைக்கப்பட்டது. இந்த நிலையில், பாரீஸ் ஒலிம்பிக்கில் மல்யுத்த வீரர் வினேஷ் போகத்திற்கு வெள்ளிப் பதக்கம் வழங்கக் கோரிய மனுவை விளையாட்டுக்கான நடுவர் நீதிமன்றம் (சி.ஏ.எஸ்.) தள்ளுபடி செய்துள்ளது.

முன்னதாக ஆகஸ்ட் 16-ந்தேதி தீர்ப்பு வழங்கப்படும் என அறிவிக்கப்பட்டிருந்த நிலையில், இன்று வழக்கு தள்ளுபடி செய்யப்பட்டுள்ளது. இந்நிலையில், வினேஷ் போகத் விவகாரத்தில் அடுத்த கட்ட நடவடிக்கை குறித்து விரைவில் முடிவு செய்யப்படும் எனவும், இந்த விவகாரம் தெளிவற்ற விதிகள் பற்றிய தீவிர கேள்விகளை எழுப்பியுள்ளது எனவும் இந்திய ஒலிம்பிக் சங்கம் தெரிவித்துள்ளது.