நாட்டையே உலுக்கிய பஹல்காம் தாக்குதல்... ஓராண்டு கடந்தும் ஆறாத வடு

ஆபரேஷன் சிந்தூர்:-

இந்தியாவின் இந்த நடவடிக்கைக்கு 'ஆபரேஷன் சிந்தூர்' என பெயரிடப்பட்டது. தாக்குதலுக்கு காரணமான பயங்கரவாதக் கட்டமைப்புகளை அழிப்பதை மட்டுமே இந்தியா இலக்காக வைத்திருந்தது. அதே நேரம் நம்மீது தேவையின்றி தாக்குதல் நடத்திய பாகிஸ்தானுக்கும் இந்தியா தக்க பதிலடி கொடுத்தது.

அதே நேரம் தேவையற்ற போரை தவிர்க்க இந்தியா தனது நடவடிக்கைகளை நிறுத்தியது. இந்த விவகாரத்தில் இந்தியா தனது நிலைப்பாட்டை உலக நாடுகளிடம் தெளிவாக எடுத்துரைத்தது. தாக்குதலுக்குப்பின் எழுந்த பதற்றத்தைத் தணிக்க, இருநாடுகளுக்கும் இடையே ராணுவ நடவடிக்கைகளுக்குப் பிறகு போர்நிறுத்த ஒப்பந்தம் உருவானது.

'ஆபரேஷன் சிந்தூர்' என்பது. பயங்கரவாதத்தை எந்த வகையிலும் இந்தியா பொறுத்துக்கொள்ளாது என்பதையும், எல்லை தாண்டிய பயங்கரவாதத்துக்கு இந்தியா எந்த அளவுக்கு தயாராக இருக்கிறது என்பதையும் உலகிற்கு பறைசாற்றிய ஒரு நிகழ்வாகும்.

ஆறாத வடு...:-

பஹல்காம் பள்ளத்தாக்கில் அமைதியை குலைத்து, பயங்கரவாதத்தின் கோர முகத்தால் சிதைக்கப்பட்டு இன்றுடன் ஓராண்டு நிறைவடைகிறது. காலங்கள் கடந்தாலும், பயங்கரவாத தாக்குதலின் வடுக்கள் இன்னும் ஆறவில்லை. உயிரிழந்தவர்களின் குடும்பத்தினருக்கு ஏற்பட்ட வலிக்கும் மருந்து இல்லை.

அந்தத் துயரச்சம்பவத்தில் நாம் இழந்தது வெறும் உயிர்களை மட்டுமல்ல, பலரது பயணிகளின் கனவுகளையும், ஒரு தேசத்தின் அமைதியையுமே இழந்தோம். இருப்பினும், பயங்கரவாதம் என்பது ஒருபோதும் இந்திய மண்ணின் உறுதி யைச் சிதைக்க முடியாது என இந்த ஓராண்டு காலம் நமக்கு ஒரு பாடத்தை உணர்த்தியுள்ளது.

'ஆபரேஷன் சிந்தூர்' மூலம் நாம் அளித்த பதிலடி, நமது மண்ணையும், மக்களையும் பாதுகாக்க இந்த தேசம் எந்த எல்லைக்கும் செல்லத் தயங்காது என்பதை உலகிற்கு உரக்கச் சொல்லியுள்ளது. இன்று, நாம் அந்த அப்பாவி உயிர்களுக்கு அஞ்சலி செலுத்தும் அதே வேளையில், எல்லைத் தாண்டிய பயங்கரவாதத்தை வேரறுப்பதில் இந்தியா கொண்டுள்ள அதே தீவிரமான உறுதியையும் புதுப்பித்துக் கொள்கிறோம்.

நினைவுகள் நிலைத்திருக்கும்:-

பஹல்காம் சம்பவம் ஒரு வடுவாக வரலாற்றில் இருந்தாலும், அதிலிருந்து மீண்டு வந்திருக்கும் நமது நாட்டின் ஒற்றுமை மற்றும் பாதுகாப்பு உணர்வே பயங்கரவாதத்திற்கு நாம் அளிக்கும் மிகப்பெரிய வெற்றியாகும். இழந்த உயிர்கள் நம் நினைவுகளில் என்றும் நிலைத்திருக்கும்; அந்த நினைவுகள். அநீதிக்கு எதிரான நமது அறப்போரைத் தொடர்ந்து முன்னெடுத்துச் செல்லும் சக்தியாக இருக்கும்.