ஐ.சி.சி. ஒருநாள் தரவரிசை: பேட்ஸ்மேன்கள் வரிசையில் இந்திய வீரர்கள் ஆதிக்கம்

இதன்படி பேட்ஸ்மேன் தரவரிசையில் இந்திய வீரர் சுப்மன் கில் (796 புள்ளிகள்) 2-வது இடத்தில் இருந்து முதலிடத்துக்கு முன்னேறியுள்ளார். சமீபத்தில் நடந்த இங்கிலாந்துக்கு எதிரான தொடரில் 2 அரைசதம், ஒரு சதம் என்று 259 ரன்கள் குவித்ததன் மூலம் இந்த ஏற்றத்தை கண்டுள்ளார். இவர் நம்பர் 1 இடத்தை அலங்கரிப்பது இது 2-வது முறையாகும். பாகிஸ்தான் முன்னாள் கேப்டன் பாபர் அசாம் (773 புள்ளிகள்) 2-வது இடத்துக்கு சரிந்தார்.