மொத்தமாக அனைத்து டி20 வடிவங்களிலும் 292 போட்டிகளில் 6429 ரன்களைக் குவித்துள்ளார். நல்ல பீல்டரான ராஸ் டெய்லர் டெஸ்ட்டில் 161 கேட்ச்களை எடுத்துள்ளார். ஒருநாள் சர்வதேசப் போட்டிகளில் 139 கேட்ச்களையும் டி20-யில் 46 கேட்ச்களையும் பிடித்துள்ளார்.

இந்த ஆண்டு டெஸ்ட் கிரிக்கெட்டின் உயரிய கோப்பையான ஐசிசி டெஸ்ட் சாம்பியன்ஷிப் பட்டத்தை நியூசிலாந்து வெல்வதற்கு முக்கிய காரணமாக இருந்தார்.

ஓய்வு குறித்து தனது டுவிட்டர் பக்கத்தில் அவர் தெரிவித்துள்ளதாவது :

இன்று நான் சர்வதேச கிரிக்கெட்டில் இருந்து ஓய்வு பெறுவதாக அறிவிக்கிறேன். வங்காளதேசத்திற்கு எதிரான இரண்டு டெஸ்ட் மற்றும் ஆஸ்திரேலியா மற்றும் நெதர்லாந்துக்கு எதிரான ஆறு ஒருநாள் போட்டிகளோடு நான் ஓய்வு பெறுகிறேன். 17 ஆண்டுகளாக நீங்கள் அனைவரும் அளித்த நம்பமுடியாத ஆதரவிற்கு நன்றி. எனது தேசத்திற்காக விளையாடியதை நினைத்து பெருமை கொள்கிறேன்.

இவ்வாறு அவர் தெரிவித்துள்ளார்.