இதை தொடர்ந்து முதல் இன்னிங்சை தொடங்கிய இந்திய அணி சற்று தடுமாறியது. . பின்னர் ஜோடி சேர்ந்த கேப்டன் ஹனுமா விஹாரி - இஷான் கிஷன் இணை சிறப்பாக விளையாடி ரன்களை குவித்தது.

சிறப்பாக விளையாடிய ஹனுமா விஹாரி 63 ரன்களிலும் , இஷான் கிஷன் 91 ரன்களிலும் ஆட்டமிழந்தனர். இறுதியில் இந்திய அணி தனது முதல் இன்னிங்சில் அனைத்து விக்கெட்களையும் இழந்து 276 ரன்கள் குவித்தது.

8 ரன்கள் பின்தங்கிய நிலையில் இரண்டாவது இன்னிங்சை விளையாடிய தென்னாபிரிக்க அணி 3 வது நாள் முடிவில் 1 விக்கெட் இழப்பிற்கு 196 ரன்கள் குவித்தது.

இந்நிலையில் இன்று தொடங்கிய நான்காம் ஆட்டத்தில் தென் ஆப்பிரிக்கா ஏ அணி 3 விக்கெட் 311 ரன்கள் எடுத்திருந்தபோது டிக்ளேர் செய்தது.சிறப்பாக விளையாடிய தென் ஆபிரிக்க ஏ அணி வீரர்ஜுபைர் ஹம்சா சதம் அடித்தார்.

தொடர்ந்து இரண்டாவது இன்னிங்சில் விளையாடிய இந்திய ஏ அணி 3 விக்கெட்டுகளை இழந்து 90 ரன்கள் எடுத்திருந்தபோது மழை குறுக்கிட்ட காரணத்தால் ஆட்டத்தை தொடர முடியாமல் போனது . 4 வது நாள் ஆட்ட நேர முடிவால் தென்னாப்பிரிக்கா ஏ ,இந்திய ஏ அணிகள் மோதிய போட்டி டிராவில் முடிந்தது