மும்பை,
இங்கிலாந்து கிரிக்கெட் அணியின் முன்னாள் நட்சத்திர கிரிக்கெட் வீரர் கெவின் பீட்டர்சன். இவர் தற்போது வர்ணனையாளராக செயல்பட்டு வருகிறார். இந்திய கிரிக்கெட் ரசிகர்களால் அதிகம் நேசிக்கப்படும் வெளிநாட்டு கிரிக்கெட் வீரர்களுள் இவரும் ஒருவர்.
ஐபிஎல் தொடர் தொடங்கி 3-வாரங்கள் ஆன நிலையில் கெவின் பீட்டர்சன் தற்போது தான் இந்த தொடரில் வர்ணனையாளராக செய்லபட நேற்று புறப்பட்டுள்ளார்.
புறப்படுவதற்கு முன்பாக அவர் வெளியிட்டுள்ள பதிவில், " ஐபிஎல் வர்ணனைக்காக வந்து கொண்டிருக்கிறேன், இதனால் மிகுந்த ஆர்வத்துடன் இருக்கிறேன். உலகில் சிறந்த விருந்தோம்பலை அனுபவிப்பது என்பதை எளிதாக எடுத்துக் கொள்ள விரும்பவில்லை. இந்தியாவில் இன்னும் சில மணிநேரங்களில் சந்திப்போம்" என தெரிவித்துள்ளார்.