மும்பை அணிக்கு எதிரான தோல்வி: ரிஷப் பண்ட் கூறியது என்ன ?

இறுதியில், மார்க்ரம் 31 ரன்களும், ஹிம்மத் சிங் 40 ரன்களும் எடுக்க, 20 ஓவர்களின் முடிவில் லக்னோ அணி 5 விக்கெட் இழப்பிற்கு 228 ரன்கள் எடுத்தது. இதைத் தொடர்ந்து, மும்பை அணி வெற்றி பெற நிர்ணயிக்கப்பட்ட 229 ரன்கள் என்ற இலக்கை நோக்கி பேட்டிங் செய்தது.

ரோஹித் மற்றும் ரிகெல்டன் தொடக்க ஆட்டக்காரர்களாகக் களமிறங்கினர். அவர்கள் இருவரும் லக்னோ பந்துவீச்சைச் சிதறடித்து, விரைவாக அரைசதம் அடித்தனர். பின்னர் ரிகெல்டன் 32 ரன்களில் 83 ரன்கள் எடுத்து ஆட்டமிழந்தார். தொடர்ந்து ஆக்ரோஷமாக விளையாடிய ரோஹித்தும் 44 ரன்களில் 84 ரன்களுக்கு ஆட்டமிழந்தார்.

பின்னர் களமிறங்கிய திலக் வர்மா 11(13) ரன்களிலும், சூர்யகுமார் யாதவ் 12(7) ரன்களிலும் விக்கெட்டை இழந்தனர். தொடர்ந்து நமந்தீர்- வில் ஜேக்ஸ் ஜோடி சேர்ந்தனர். இருவரும் இணைந்து அணியை வெற்றி பாதைக்கு அழைத்து சென்றனர். இறுதியில் 18.4 ஓவர்களில் இலக்கை எட்டி மும்பை வெற்றி பெற்றது. லக்னோ தரப்பில் சித்தார்த் 2 விக்கெட்டுகள் எடுத்தார். மும்பையில் நமந்தீர் 23 (12)ரன்களுடனும், வில் ஜேக்ஸ் 10(4) ரன்களுடனும் கடைசி வரை ஆட்டமிழக்காமல் களத்தில் இருந்தனர்.

இந்த நிலையில், தோல்வி தொடர்பாக பேசிய லக்னோ அணி கேப்டன் ரிஷப் பண்ட் கூறியதாவது,

நாங்கள் தொடங்கிய விதத்தைப் பார்த்தால், இன்னும் அதிக ரன்கள் எடுத்திருக்க வேண்டும் என்று நினைக்கிறேன். ஆனால் நிச்சயமாக சில நல்ல அறிகுறிகள் தென்பட்டன. நிச்சயமாக வீரர்கள் சுதந்திரமாக விளையாடினார்கள், ஆனால் இறுதியில், அவர்கள் நன்றாகப் பந்துவீசினார்கள் என்று நினைக்கிறேன், ஏனென்றால் அவர்கள் நிச்சயமாக இந்த நிலைமைகளுக்குப் பழக்கப்பட்டவர்கள். நாங்கள் 10-15 ரன்கள் குறைவாக எடுத்திருந்தோம், ஏனென்றால் அது நிச்சயமாக நாங்கள் தொடங்கிய விதத்தில், அவர்களை விட எங்களுக்கு ஒரு சாதகம் இருந்தது. ஆனால் அதே நேரத்தில், இது போன்ற ஒரு விக்கெட்டில், எல்லா நேரமும் பந்துவீச்சாளர்களைக் குறை சொல்ல முடியாது. அவர்கள் எங்களுக்காக ஒரு அற்புதமான வேலையைச் செய்து வருகிறார்கள். அதனால் நிச்சயமாக அவர்களைப் பற்றி அதிகம் சொல்ல முடியாது. எங்களுக்குக் கொஞ்சம் நல்ல அதிர்ஷ்டம் தேவை என்று நினைக்கிறேன். என தெரிவித்தார்.