இங்கிலாந்து-நியூசிலாந்து இடையிலான முதலாவது டெஸ்ட்: லார்ட்ஸ் மைதானத்தில் இன்று தொடக்கம்

டாம் லாதம் தலைமையிலான நியூசிலாந்து அணியில் டிவான் கான்வே, கேன் வில்லியம்சன், ரச்சின் ரவீந்திரா, டேரில் மிட்செல், டாம் பிளன்டெல், கிளென் பிலிப்ஸ், மேட் ஹென்றி, கைல் ஜாமிசன் என திறமையான வீரர்களுக்கு பஞ்சமில்லை. மூத்த வீரர் வில்லியம்சன் இந்த தொடரில் 503 ரன் எடுத்தால் 10 ஆயிரம் ரன் மைல்கல்லை எட்டுவார்.

புகழ்பெற்ற லார்ட்ஸ் மைதானத்தில் நடக்கும் 150-வது டெஸ்ட் இதுவாகும். உலகில் அதிக டெஸ்ட் போட்டிகள் நடந்த மைதானம் இதுவாகும்.

இங்கு நியூசிலாந்து அணி இதுவரை 19 டெஸ்டுகளில் விளையாடி ஒன்றில் (1999-ம் ஆண்டு) மட்டுமே வெற்றி பெற்றுள்ளது. 9-ல் தோல்வியும், 9-ல் டிராவும் கண்டுள்ளது. இந்த நீண்ட கால சோகத்துக்கு நியூசிலாந்து அணி இந்த முறை முற்றுப்புள்ளி வைக்குமா என்று எதிர்பார்ப்பு நிலவுகிறது.