இதனையடுத்து 93 ரன்கள் எடுத்தால் வெற்றி என்ற இலக்குடன் கொல்கத்தா அணியின் சார்பில் சுப்மன் கில் மற்றும் வெங்கடேஷ் ஐயர் ஆகியோர் முதலாவதாக களமிறங்கினர். சீரான வேகத்தில் ரன் ரேட்டை உயர்த்திய இந்த ஜோடியில் அரை சதத்தை பூர்த்தி செய்வார் என்று எதிர்பார்க்கப்பட்ட சுப்மன் கில் 48 (34) ரன்களில் கேட்ச் ஆகி வெளியேறினார். அடுத்து களமிறங்கிய ஆண்ட்ரே ரஸ்ஸலுடன் ஜோடி சேர்ந்த வெங்கடேஷ் ஐயர், அணியை வெற்றி பாதைக்கு அழைத்துச் சென்றார்.

பின்னர் ஆட்டநேர முடிவில் அதிரடி காட்டிய வெங்கடேஷ் ஐயர் 41 (27) ரன்களும், ஆண்ட்ரே ரஸ்ஸ ரன் ஏதும் எடுக்காமலும் கடைசிவரை ஆட்டமிழக்காமல் களத்தில் இருந்தனர். இறுதியில் கொல்கத்தா அணி 10 ஒவர்களில் 1 விக்கெட்டை இழந்து 94 ரன்கள் எடுத்தது. பெங்களூரு அணி சார்பில் அதிகபட்சமாக சாஹல் ஒரு விக்கெட் வீழ்த்தினார். இதன்மூலம் பெங்களூரு அணிக்கு எதிரான ஆட்டத்தில் 9 விக்கெட்டுகள் வித்தியாசத்தில் கொல்கத்தா நைட் ரைடர்ஸ் அணி அபார வெற்றிபெற்றது.